Tere hath se piya mene
Teri jhuthi chai ka pyala,
Us din thand se Kisi ne nahi
Sirf tune mujhe sambhala,..
Aaj bhi meri har ek sans
Us pyari pyali ko tarasti he,
Lekin ab Tu nhi hoti yahan
Bus bahar Ki chai milti he,..
Har ma apne bachche se
Itna hi pyar karti he,
Bachca dukh me hota he
Us tak karah chal jati he,..
Me aaj bhi bhookha hoon yaha
Ma ,Tere hath ke nivalon ka,
Or nivale hath me liye
Meri ma aansoo chalkati he,..
Khud hans kar bhookhi rehti he
Pehle mujhko khilati he,
Me jab khana kha leta hoon
Aankh uski bhar aati he,..
Bus yahi he pyar ma bete ka
Log Kyu nhi samjh pate he,
Jis ma se chalna sikhte he
Usi ka hath Kyu chod jate he,..
No comments:
Post a Comment